Kunstenaar dood gevind
2012-02-03 09:04
Los Angeles. – Die invloedryke kontemporêre kunstenaar Mike Kelley is dood aangetref in sy huis in ’n voorstad hier.
Owerhede het Woensdag gesê hulle ondersoek sy dood as ’n moontlike selfmoord.
’n Vriend het Kelley (57) Dinsdag dood aangetref in die bad in sy huis in Suid-Pasadena, het die plaaslike distrikslykskouer se woordvoerder, Ed Winter, gesê.
Die kunstenaar is Sondag laas lewend gesien, het Winter gesê.
Geen selfmoordnota is in die huis gekry nie en daar was geen tekens van trauma of vuilspel nie, het hy gesê.
’n Lykskouing sou Donderdag gedoen word.
– Volg Nuus24 op Twitter
- Die Burger