Kristen vlieg Aus toe vir laaste kans met Rob

2013-02-13 17:47

Los Angeles – Die Twilight-aktrise Kristen Stewart beplan om na Australië te vlieg om haar verhouding met haar medester, Robert Pattinson, te red.

Pattinson, wat in Adelaide besig is met die verfilming van sy nuwe fliek The Rover, het glo nie vir Stewart die aandag wat sy soek gegee terwyl hy werk nie.

Nou beplan die 22-jarige aktrise om na Australië te vlieg om vir Pattinson te oortuig dat hulle saam hoort.

“Kristen beplan om na Australië te vlieg om vir Robert te sien. Sy mis hom verskrilik,” het ‘n bron aan RadarOnline gesê

“Sy dink dat sy belangstelling in hul versoening wegkwyn hoe langer hul van mekaar af weg is, so nou probeer Kristen red wat hulle oor het.”

“Hulle verhouding hang aan ‘n draatjie, so sy dink dat haar besoek aan Australië hulle sal kan help om weer bymekaar te kom.”

Die 26-jarige Britse hartebreker, wat Stewart verlede jaar vergewe het ná haar verhouding met die regisseur Rupert Sanders, het glo in Januarie sy verhouding met Stewart beëindig.

– Volg Nuus24 op Twitter