Klum se lyf het gehoor gaande ná baba
2009-11-20 15:58
New York – Heidi Klum het 'n modeparade tydens die jaarlikse Victoria's Secret-modevertoning gelei, selfs al was sy onlangs nog swanger.
Die onderkleremaatskappy het Donderdagaand tydens 'n modeparade in New York vyf vroue by sy Angel-lys gevoeg, ‘n eer wat slegs aan top-modelle toegeken word.
Maar Klum, wat vyf weke gelede geboorte geskenk het aan 'n dogtertjie, was die gehoor se gunsteling model in haar pers korset.
Fergie, van die musiekgroep Black Eyed Peas, het ook die gehoor bekoor met haar uitrusting - ‘n swart kleefpak vol juwele.
- Sapa