Kletsrymer Heavy D sterf
2011-11-09 11:11
Los Angeles – Die kletsrymer Heavy D, oftewel Dwight Arrington Myers, is Dinsdag in die ouderdom van 44 dood.
Heavy D is Dinsdagmiddag by ‘n hospitaal in Los Angeles opgeneem, maar is later dood verklaar.
Hy was glo by sy volle bewussyn en het met paramedici gepraat met sy aankoms by die hospitaal.
Die oorsaak van sy dood is nog nie bekend nie. Die polisie vermoed geen gemene spel nie, maar sal sy dood ondersoek.
Heavy D het vier weke gelede by Michael Jackson se huldigingskonsert in Wallis opgetree en saam met La Toya Jackson die treffer "Jam" gesing.
Hy het oor die jare baie treffers gehad, waaronder die gewilde liedjie "Now That We Found Love," en hy het ook die temaliedjie vir die program In Living Color gesing. Hy was ook in die film Life and Big Trouble te sien.
Hy het bekendheid verwerf met die groep Heavy D & The Boyz en was ook ‘n musiekvervaardiger.
– Cover Media.
– Volg Nuus24 op Twitter.