Kim wil egskeiding voor geboorte afhandel

2013-01-18 12:43

Los Angeles – Die TV-ster Kim Kardashian, wat swanger is met haar en Kanye West se eerste kind, het gesê sy wil haar egskeiding voor die baba se geboorte afhandel.

"In 'n ideale wêreld sal ek graag geskei wil wees," het sy gesê.

"Dit is nou al amper die tweede jaar en dit is regtig moeilik omdat ek wil aanbeweeg met my lewe."

Kardashian is steeds wettig getroud met die basketbalspeler Kris Humpries. Die paartjie is in Oktober 2011 ná 72 dae uitmekaar.

Humphries wil nie van haar skei nie en wil hê die huwelik moet op grond van bedrog nietig verklaar word.

"Ek kan nie regtig vir hom praat nie. Ek dink die feite is dat ek hom vir 'n egskeiding gedagvaar het en hy dagvaar my om die huwelik nietig te laat verklaar. Die enigste wettige manier om die huwelik nietig te laat verklaar, is wanneer daar bedrog betrokke was," het sy gesê.

– Lees meer hier

– Volg Nuus24 op Twitter