Kim wil babaklere ontwerp

2013-02-08 16:50

Los Angeles – Kim Kardashian oorweeg dit glo sterk om haar eie reeks babaklere te ontwerp as deel van haar Kardashian Kollection-reeks.

Die 32-jarige realiteitstelevisie-ster het glo klaar die idee met haar agent en ma, Kris Jenner, bespreek en sy dink dit is ‘n perfekte idee vir hul mode-reeks.

Jenner (57) het glo selfs ‘n stappie verder gegaan en gesê dat haar dogter dit moet oorweeg om kraamdrag te ontwerp.

“Kris en Kim kan nie glo dat hulle nie al voorheen daaraan gedink het nie,” het ‘n bron na aan die gesin vir RadarOnline gesê.

“Kim het glo die idee gekry toe sy na ontwerpersklere gekyk het vir haar baba. Sy kon glo nie iets kry wat regtig haar aandag getrek het en koste-effektief is nie.”

“Kris dink dat dit ‘n goudmyn kan wees, veral omdat babaklere en kraamdrag so duur is.”

– Volg Nuus24 op Twitter