Kim verbied om rapmusiek te luister

2013-01-17 09:08

Los Angeles – Die kletsrymer Kanye West het sy meisie, Kim Kardashian, verbied om na rapmusiek te luister terwyl sy swanger is.

"Ons was geskok toe hy sê hy het Kim verbied om tydens haar swangerskap na ander musiek behalwe klassieke musiek te luister," het 'n bron gesê.

"Hy het gesê hy het planne om daardie baba elke voordeel in die wêreld te gee en sal toesien dat hy of sy by die beste skole ingeskryf word."

Vroeër is berig dat die paartjie eersdaags ewige trou aan mekaar gaan beloof – maar die seremonie sal nie amptelik wees nie.

Kardashian is nog nie amptelik van die basketbalspeler Kris Humphries geskei nie, maar West wil graag voor die geboorte van die baba trou.

– Lees meer hier

– Volg Nuus24 op Twitter