Kim Kardashian wil op eiland trou
2012-10-08 13:25
Los Angeles – Kim Kardashian wil hê haar troue met Kanye West moet 'n klein seremonie op 'n privaat-eiland wees.
Die Keeping Up With The Kardashians-ster, wat steeds nie geskei is nie ná haar huwelik van 72 dae aan die basketbalspeler Kris Humphries, het gesê haar volgende troue gaan niks soos die swierige seremonie wees nie en gaan baie meer intiem wees.
"Dit was nog altyd my droom om 'n groot troue te hê, en toe mense gesê het ek het dit oorboord gedoen vir die program, wel dit was net ek gewees. Ek is oorboord. Maar die volgende keer, wil ek dit op 'n eiland hou met net my vriende en familie," het sy aan die Britse tydskrif Tatler gesê.
Die realiteitstelevisiester het ook teruggekap nadat haar vervreemde man gesê het sy het met hom getrou sodat die program se kykertalle kan toeneem.
"Ek bedoel, dit is nie die tipe persoon wat ek is nie. Wie sal trou om kykertalle op te stoot? Dit is nie asof die kykertalle afgeneem en ons 'n hupstoot nodig gehad het nie.
"Ander mense se emosies maak nie saak nie, maar wie sal met hul eie emosies mors? En vir my om dit te doen en vir dit om nie uit te werk nie het my in die verleentheid gestel. Ek het die risiko geloop om my loopbaan te vernietig."
Kardashian en West is die afgelope sewe maande in 'n verhouding en volgens haar is die lewe met hom perfek.
"Ek kan nie dink om met enigeen anders te wees as die man met wie ek nou is nie."
– Bang Showbiz.
– Volg Nuus24 op Twitter.
