Kim Kardashian erken sy moenie in sprokieswêreld leef
2012-01-09 22:08
Los angeles - Kim Kardashian het geweet haar huwelik met Kris Humphries was verby toe sy verlig was om weg van hom te kom.
Die 31-jarige televisiester – wat in Oktober aangekondig het dat sy ná slegs 72 dae van getroude lewe van Humphries gaan skei – het voor die egskeiding erken dat getroude lewe met Kris nie is soos was sy verwag het dit gaan wees nie.
Tydens ‘n episode van Kourtney & Kim Take New York het sy aan haar ma, Kris Jenner, gesê: “Ek kan dit nie regtig verduidelik nie. Ek voel ‘n mate van verligting dat ek hier is. Daar is iets in my verhouding wat net nie vir my reg voel nie.
“Ek leer net baie dinge van hom wat ek nooit vantevore geweet het nie. Getroude lewe is net nie wat ek gedink het dit saam met hom sou wees nie.”
Sy het voorheen erken: “Ek sal altyd ‘n romantikus wees. Dit beteken dat ek glo in liefde en die droom van ‘n perfekte verhouding, maar my idee daarvan het verander.
“Ek dink nie ek moet in ‘n sprokieswêreld soos dit lewe nie. Ek dink dat ek dalk net ‘n bietjie wakker moet skrik en ‘n bietjie meer realisties moet wees. Wat ek wil hê is nie moontlik nie.”
– Volg Nuus24 op Twitter
- BangShowBiz