Khaya kry Idols-kroon

2012-10-03 09:34

Johannesburg – Khaya Mthethwa is die wenner van Seisoen 8 van Idols.

Byna drie miljoen Suid-Afrikaners het in die afgelope week in die Idols-kompetisie gestem, het M-Net in ‘n verklaring gesê.

Die 25-jarige sanger van Durban het die 23-jarige Melissa Allison van Port Elizabeth geklop nadat hy die meeste stemme van kykers gekry het.

Khaya is Dinsdagaand tydens ‘n gala-geleentheid wat by die Mosaïek Teatro in Fairland, Johannesburg gehou is, as wenner bekroon.

Die voormalige Idol Dave van Vuuren en ander musikante, insluitend Jack Parow, FreshlyGround, Toya Delazy en Zakes Bantwini was ook op die verhoog te sien.

As wenner van Seisoen 8 van Idols het Khaya weggestap met ‘n prys ter waarde van byna R1 miljoen, insluitend ‘n platekontrak met Universal Music South Africa.

Hy sal in die volgende paar weke begin om saam met Universal Music aan sy album te werk en sy eerste enkelsnit word reeds op die radio gespeel, het M-Net gesê.

– Channel24

– Volg Nuus24 op Twitter