Kenny Kunene se huweliksbootjie sink
2011-11-29 15:21
Kaapstad – Die skatryk sakeman en “soesji-koning” Kenny Kunene se huwelik is glo op die rotse nadat hy ontrou was, het die Sunday World berig.
Kunene en sy vrou, Mmathato, is glo van mekaar vervreem en beplan om te skei nadat sy hom daarvan beskuldig het dat hy met ander vroue intiem verkeer het.
Die finale strooi was toe Kunene ‘n verhouding met Edith Rose van die radiostasie YFM aangeknoop het. Dié verhouding het nie so goed geëindig nie.
Kunene en sy vrou het drie kinders saam.
Hy wou nie kommentaar lewer oor sy familielewe nie en Mmathato kon nie vir kommentaar bereik word nie.
Kunene het wel gesê indien mense wil weet wat met hom en die ma van sy kinders aangaan moet hulle sy realiteitsreeks So What kyk.
– Volg Nuus24 op Twitter.