Katy Perry, Russel Brand finaal geskei
2012-02-09 12:00
Los Angeles – 'n Regter het Katy Perry en Russel Brand se egskeiding gefinaliseer, maar paartjie sal eers op 14 Julie wettig geskei wees.
Perry het Dinsdag in hofdokumente aangedui dat sy en Brand 'n skikkingsooreenkoms bereik het.
Regter Marc Marmaro het Woensdag die paartjie se egskeiding gefinaliseer.
Ingevolge die wet in Kalifornië moet paartjies ses maande, nadat hulle om 'n egskeiding aansoek gedoen het, wag voordat hulle wettig geskei is.
Brand het Perry op 31 Desember om 'n egskeiding gedagvaar. Die paartjie het "onversoenbare verskille" as redes aangevoer.
Die popster en Britse komediant is in Oktober 2010 in Indië getroud.
– Volg Nuus24 op Twitter
- AP