Karlien van Jaarsveld en haar 'liefling' trou
2013-03-09 07:33
Kaapstad – Die Afrikaanse sangeres Karlien van Jaarsveld sal voortaan as Karlien Hougaard bekend staan nadat sy en haar “liefling”, Derick, Vrydag afgehaak het, berig Die Burger.
“Trourok, check. Paspoort, check. Op pad na jou toe met alles wat ek het, Derick. Sien so uit, my engel. Hier begin die lewe nou,” het Karlien Vrydagoggend getwiet.
Derick en Karlien het op die Brenaissance-landgoed in die Devonvallei in ’n reënerige en bewolkte Stellenbosch saam met vriende en familie trou aan mekaar beloof.
“Dankbaar vir die beste vrou wat ek ken!!! Sien uit dat ons lewe saam begin!!!” het Derick oomblikke daarna getwiet.
Karlien se ma, Ronel Brink, het vroeër gesê die gastelys het nie net uit bekendes en glanspersoonlikhede bestaan nie.
“Ons wou nie net ’n klomp bekendes nooi om glamour aan die troue te gee nie.
“Die gastelys bestaan uit mense saam met wie Derick en Karlien al ’n pad gestap het.”
Sy het gesê dat die paartjie definitief nie in Suid-Afrika op hul wittebrood sal gaan nie
– Volg Nuus24 op Twitter
