Kardashian soek antwoorde by Humphries se eks

2012-06-20 18:00

Los Angeles – Kim Kardashian het Kris Humphries se eksmeisie met 'n dagvaarding bedien.

Die realiteitstelevisiester se prokureurs wil graag met Myla Sinanaj praat, wat in Januarie met Humphries begin uitgaan het, om uit te vind of die basketbalspeler enigiets in verband met sy bewering dat sy huwelik 'n klug was aan haar gesê het.

Kardashian se prokureurs wil ook inligting hê oor die honderde sms-boodskappe en e-posse tussen Sinanaj en Humphries.

Volgens die skinderwebwerf TMZ het Humphries aanvanklik sy verhouding weggesteek omdat hy bekommerd was dit kan 'n impak op sy egskeidingsaak hê.

Sy prokureurs het gevoel die feit dat hy slegs twee maande nadat hy en Kardashian uitmekaar is, met 'n nuwe verhouding begin het, sal dit laat lyk asof hy nie rêrig "platgeslaan" was oor Kardashian se besluit om hom slegs na 72 dae om 'n egskeiding te dagvaar nie.

Sinanaj se prokureur het voorheen gesê sy kliënt is bereid om Kardashian met haar egskeidingsproses te help.

Sinanaj het onlangs geëis dat Humphries om verskoning moet vra dat hy probeer het om haar reputasie te verwoes nadat dit aan die lig gekom het dat Humphries se prokureurs die FBI gekontak het en beweer sy probeer hom afpers en soek 'n groot bedrag geld of sy gaan geheime oor hul verhouding aan die media verklap.

– Bang Showbiz.

– Volg Nuus24 op Twitter.