Kardashian-ma het glo haar dogters mishandel

2013-01-31 16:33

Los Angeles – Nuwe uittreksels uit Robert Kardashian se persoonlike joernale sê na bewering dat sy eks-vrou, Kris Jenner, ‘n beledigende ma was wat nie omgegee het nie.

Ellen Kardashian, die vroue wat met Robert op sy sterfbed getrou het, het haar oorlede man se joernale eksklusief aan die Amerikaanse tydskrif In Touch Weekly verkoop.

Die tydskrif het nou die inskrywings in die joernale bekend gemaak, wat beskryf hoe Kris haar kinders vir jare lank beledig en mishandel het.

Kris het glo haar dogters Kourtney en Kim gereeld geslaan. Een van die inskrywings sê hoe Kourtney een keer haar pa histeries gebel het en gekla het dat haar ma haar arm gedraai en haar hare getrek het.

Robert het glo in een spesifieke inskrywing gesê dat Kris glad nie vir die kinders omgee nie.

Ellen Kardashian het Huffington Post verseker dat die joernale nie vals is nie.

“Dit is egte handgeskrewe joernale wat my oorlede man, Robert Kardashian, versigtig geskryf het tydens 1989 en 1990 toe hy in ‘n moeilike tyd van sy lewe was,” het sy gesê.

Kris en haar dogters het nog nie kommentaar op die bewerings gelewer nie.

– Volg Nuus24 op Twitter