Kamera in Oostenryk vir R19 miljoen verkoop

2012-11-27 08:06

Wene – 'n Kamera wat gebruik is om die lewe van die kunstenaar Pablo Picasso te dokumenteer, is vir 'n rekordprys van $2,19 miljoen (sowat R19,3 miljoen) verkoop.

Die Westlicht-galery het gesê die Leica m3d het aan David Douglas Duncan behoort. Die 96-jarige voormalige fotograaf vir die tydskrif LIFE, was 'n vriend van Picasso en het honderde eksklusiewe foto's van hom gepubliseer.

Die kamera, wat in 1955 vervaardig is, is een van slegs vier wat gemaak is en die prys is 'n wêreldrekord vir 'n kommersieel vervaardigde kamera.

Die galery het in 'n verklaring gesê die tweede hoogste prys in Saterdag se verkope was vir 'n goud oorgeblaaste Leica wat in 1929 gemaak is. Dié kamera is vir $1,3 miljoen (sowat R11,5 miljoen) verkoop.

– Volg Nuus24 op Twitter

- Sapa - AP