Justin Bieber word flou by konsert

2012-06-01 08:35

Parys – Die Kanadese tienerpopsensasie Justin Bieber het harsingskudding opgedoen nadat hy Donderdag tydens 'n intieme konsert in Parys teen 'n glasmuur geval het.

Hy het tydens 'n Europese bemarkingstoer aan die skinderwebwerf TMZ gesê hy het lighoofdig gevoel maar kon sy laaste liedjie te sing voordat hy 15 sekondes lank agter die verhoog flou geword het.

Volgens Bieber het dokters aan hom gesê hy het harsingskudding opgedoen en hom beveel om te ontspan.

Die harsingskudding kom 'n dag nadat Bieber deur aanhangers tydens 'n gratis konsert in Oslo begroet was met baie jong meisies wat beserings opgedoen het.

Nagenoeg 50 tienermeisies is Woensdag tydens Bieber se konsert in Noorweë beseer.

Altesaam 49 meisies moes mediese behandeling ontvang waarvan 14 per ambulans na Oslo geneem is vir verdere behandeling.

Niemand is ernstig beseer nie maar Fabian Stang, burgemeester, beplan om die voorval te ondersoek.

Oproepe en e-posse aan Bieber se woordvoerders was nie onmiddellik beantwoord nie.

– Volg Nuus24 op Twitter.

- Reuters