Justin Bieber tydens konsert beroof

2012-10-11 17:28

Seattle – Justin Bieber het Donderdag gesê dat van sy besittings tydens ‘n konsert in Washington gesteel is.

Die popster het aan sy amper 29 miljoen volgelinge getweet dat hy en sy toerbestuurder gedurende die konsert geviktimiseer is.

Die konsert is Dinsdagaand by die Tacoma Dome gehou.

Bieber het nie presies gesê wat alles gesteel is nie, maar het verwys na sy rekenaar en sy kamera. Hy sê wat hom die meeste pla is dat hy baie persoonlike beeldmateriaal op die kamera en die rekenaar gehad het.

Hy het bygevoeg dat mense ander mense se eiendom moet respekteer.

‘n Polisiewoordvoerder by Tacoma het gesê dat hulle nie die saak ondersoek nie omdat daar nog nie ‘n klag gelê is nie.

– Volg Nuus24 op Twitter
 

- AP