Justin Bieber se SA toerdatums bekend

2012-12-04 07:23

Kaapstad – Big Concerts het Dinsdag alle bespiegeling oor die Kanadese popsensasie Justin Bieber se toer na Suid-Afrika stopgesit en sy besoek aan die land bevestig.

Bieber sal op 8 Mei volgende jaar by die Kaapstad-stadion optree en 12 Mei by die ENB-stadion in Johannesburg.

Die sanger het vroeër vanjaar op sy Twitter-blad aan sy aanhangers gesê hy bring sy Believe-toer na die land, maar Big Concerts het kort daarna gesê niks is nog bevestig nie.

Sedertdien doen gerugte die ronde dat die ster Suid-Afrika kom besoek, maar niemand wou 'n woord rep nie.

Kaartjies vir die vertoning in Johannesburg sal vanaf Maandag, 10 Desember, 09:00 teen tussen R315 tot R750 beskikbaar wees
 
Die kaartjies vir Bieber se vertoning sal vanaf Dinsdag, 11 Desember, 09:00 beskikbaar wees. Dié kaartjies word vir tussen R315 en R700 verkoop.
 
Kaartjies is ook aanlyn beskikbaar op Big Concerts se webwerf en by Computicket.

Bieber het in 2009 bekendheid verwerf nadat hy verskeie musiekvideos van homself op YouTube gelaai het. Hy het in Maart 2011 met sy musiekvideo "Baby" die rekord opgestel vir die video wat die meeste gekyk is.

– Volg Nuus24 op Twitter


 


 

- Nuus24