Justin Bieber bots met die gereg

2012-11-15 17:55

Los Angeles – Die popster Justin Bieber het met die gereg gebots toe hy 'n gevaarlike draai in Wes-Hollywood, Kalifornië, gemaak het, is berig.

Die Boyfriend-sanger is Dinsdag in sy wit Ferrari afgetrek en 'n boete opgelê nadat beamptes vasgestel het dat die registrasie van sy supermotor verval het.

Wetstoepassingsbronne het aan die skinderwebwerf TMZ bevestig dat die 18-jarige Kanadese popster – wat ten tyde van die voorval saam met 'n vriend gery het – sy samewerking aan die polisie gegee het. Die bron het ook bevestig dat Bieber 'n boete opgelê is omdat die registrasie van sy motor verval het.

Die sanger was egter nie te bekommerd oor die voorval nie en het 'n foto van die polisiemotor op Instagram gedeel.

Bieber was vroeër vandeesweek in die nuus nadat sy meisie van die afgelope twee jaar, Selena Gomez, hul verhouding beëindig het.

– Lees meer hier

– Volg Nuus24 op Twitter