Jurie Els wen hofsaak teen Huisgenoot-redakteur
2010-11-30 13:30
Kaapstad – Die sanger Jurie Els het sy saak teen Esmaré Weideman, die hoofredakteur van die tydskrifte Huisgenoot, You en Drum, in die Appèlhof in Bloemfontein gewen, berig RSG.
Weideman was redakteur van die drie tydskrifte toe 'n artikel in 2008 gepubliseer is waarin die jong sanger Robbie Klay uitvoerig vertel het hoe 'n ouer sanger hom na bewering gemolesteer het.
Els is nie in die artikel uitgewys nie, maar sy naam is wél genoem in verband met 'n interdik wat hy wou kry om die publikasie van die artikel te keer.
'n Geding tussen Klay en Els het daarna ontstaan, waartydens Els in die Hooggeregshof onskuldig bevind is op die seksaanklagte wat teen hom gelê is.
Weideman en Media24 is aan minagting van die hof skuldig bevind. Die Appèlhof het die saak terugverwys na die Hooggeregshof vir 'n paslike vonnis.
Kliek hier vir die volledige storie.
Volg Nuus24 op Twitter.