Hollywood-glanspaar skei

2013-02-22 09:16

New York – Die Hollywood-glanspaartjie Diane Lane en Josh Brolin het aangekondig dat hulle na 'n huwelik van agt jaar gaan skei.

'n Verteenwoordiger vir die egpaar het die nuus Donderdag aan Associated Press bevestig.

Brolin en Lane, wat albei voorheen getroud was, het in 2004 afgehaak.

Die egpaar het geen kinders nie.

Lane was voorheen met die akteur Christopher Lambert getroud. Hulle het in 1994 geskei en het 'n 19-jarige dogter.

Brolin se eerste huwelik was met Alice Adair. Die paartjie het ook in 1994 geskei en het twee kinders, 'n 18-jarige dogter en 24-jarige seun.

Lane het 'n Oscar-benoeming vir haar rol in die 2002-fliek Unfaithful ontvang terwyl Brolin vir sy rol in die rolprent Milk  (2008) vir 'n Oscar genomineer is.

Brolin is tans in die aksiefliek Gangster Squad te sien.

Volg Nuus24 op Twitter.
 

- AP