Joost praat oor sy toekoms
2009-08-08 13:33
Philip de Bruin
Johannesburg – Joost van der Westhuizen, oud-Springbok-kaptein, sal einde September “aanbiedinge van oorsee” oorweeg – as dit kom.
“Alles sal afhang van wat M-Net se SuperSport einde September oor my toekoms besluit. As hulle besluit dat ek weer volledig as aanbieder en kommentator gebruik gaan word, sal ek eerder in Suid-Afrika wil bly,” het hy gesê.
SuperSport het volgens mnr. Clinton van den Bergh, woordvoerder, reeds ’n afspraak met Van der Westhuizen gemaak om einde September met hom oor sy voortgesette loopbaan as kommentator en aanbieder te gesels.
Van der Westhuizen het gesê dit gaan “baie goed” met hom ná sy onlangse ineenstorting.
Beeld