Jolie het nie baie vriende nie
2011-12-09 11:07
Los Angeles – Die aktrise Angelina Jolie het gesê sy het nie baie vriende nie en spandeer die meeste van haar tyd by die huis saam met haar kinders.
Die Oscar-bekroonde aktrise, wat ses kinders, Maddox (10), Pax (8), Zahara (6), Shiloh (5), en die driejarige tweeling, Knox en Vivienne, saam met haar lewensmaat Brad Pitt grootmaak, het erken sy is nie baie sosiaal nie en verkies om eerder by die huis te bly as om uit te gaan en partytjie te hou.
"Ek sal met my familie praat. En ek praat met Brad. Ek het regtig nie baie vriende met wie ek praat nie. Hy is eintlik die enigste mens met wie ek praat."
– Bang Showbiz.
– Volg Nuus24 op Twitter.