Jolie het ineenstorting gehad oor film
2012-01-13 23:09
Los Angeles – Die aktrise Angelina Jolie het aan haar aanhangers vertel dat sy 'n ineenstorting gehad het terwyl sy aan haar nuwe film In the Land of Blood and Honey gewerk het.
Jolie het eendag terwyl sy in die stort was ineengesak.
Dít het gebeur terwyl sy besig was om haar film, waarin sy haar debuut as regisseur gemaak het, van die grond af te kry. Haar lewensmaat Brad Pitt het haar weer moed ingepraat.
"Ek het 'n emosionele ineenstorting in die stort gehad. Brad het my in die stort gevind besig om te huil," het Jolie aan haar aanhangers gesê terwyl sy met hulle op die internet gesels het.
"Ek het gevoel ek het hierdie groot verantwoordelik en ek het baie klein gevoel."
Jolie het erken sy het nie beplan om so 'n groot projek aan te pak nie en sien nie regtig haarself as 'n rolprentmaker nie.
"Ek het nie beplan om 'n regisseur te word nie en vind dit steeds moelik om te sê ek is een."
– Bang Showbiz.
– Volg Nuus24 op Twitter.