Johnny Depp deur die polisie gesoek
2011-12-06 22:59
Los Angeles – Die akteur Johnny Depp word deur die Los Angeles-polisie gesoek vir ondervraging ná 'n beweerde voorval waarby sy lyfwag en 'n gestremde vrou betrokke was.
Die Rum Diary-ster het verlede Donderdag 'n Iggy Pop-konsert by die Hollywood Palladium in Los Angeles bygewoon.
Robyn Ecker (52) beweer Depp se lyfwagte het haar gewrigte gegryp en haar teen die die grond gestoei omdat sy te na aan die akteur se privaat-tafel gedans het.
Ecker, wat $1200 (sowat R10 000) vir die kaartjies betaal het as 'n verjaardaggeskenk aan haar man, is na dié voorval na 'n hospitaal om seker te maak sy het nie ernstige beserings opgedoen nie. Sy het daarna 'n klag by die polisie ingedien.
Polisiebeamptes probeer nou om in kontak te kom met Depp en sy lyfwagte om hulle te ondervra.
Volgens TMZ het Ecker se assistent bevestig sy en haar man het gedurende die konsert gedrink, terwyl 'n wetstoepassingsbeampte beweer sy was dronk toe sy die klag by die polisie ingedien het.
– Bang Showbiz.
– Volg Nuus24 op Twitter.