Jessica Simpson se pa gearresteer

2012-08-10 19:34

Los Angeles – Die sangeres en aktrise Jessica Simpson se pa is verlede naweek in hegtenis geneem nadat hy onder die invloed van alkohol bestuur het.

Joe Simpson (54), die pa en bestuurder van Jessica en Ashlee Simpson, is op 4 Augustus omstreeks 22:00 deur beamptes op Venture Boulevard in Sherman Oaks, Los Angeles, voorgekeer.

Die polisie het vermoed dat hy onder die invloed van alkohol was, waarna hulle hom gearresteer het.

Joe het die res van die aand in ‘n polisiesel deurgebring en is die volgende dag om 09:14 vrygelaat. Hy het nie borgtog betaal nie.

Volgens die skinderweberf TMZ.com is die saak nog nie na die kantore van staatsaanklaers in Los Angeles gestuur nie.

Indien kriminele klagtes wel ingedien word, is dit onwaarskynlik dat Joe tot tronkstraf gevonnis sal word omdat hy ‘n eerste oortreder is. Hy sal heel moontlik slegs ‘n boete moet betaal.
 
Volg Nuus24 op Twitter

– Bang Showbiz