Jessica Simpson se pa aangekla van dronkbestuur

2012-08-16 08:30

Los Angeles – Die sangeresse Jessica en Ashlee Simpson se pa is aangekla van dronkbestuur nadat hy vroeër vandeesmaand in hegtenis geneem is, het aanklaers gesê.

Frank Mateljan, 'n woordvoerder, het gesê die 54-jarige Joe Simpson word deur 'n maksimumvonnis van ses maande tronkstraf, 'n proeftydperk van 36 maande en 'n boete van $1 000 (sowat R8 000) in die gesig gestaar.

Joe, 'n voormalige dominee, is op 4 Augustus in hegtenis geneem en sy bloedalkoholvlak is op 0,08% of meer gemeet.

Hy is Dinsdag aangekla en sal op 30 Augustus in die hof verskyn.

– Volg Nuus24 op Twitter

- SAPA