Sangeres ontken gerugte oor Beckham-verhouding

2012-08-27 11:57

Londen – Die Walliese sangeres Katherine Jenkins het gerugte dat sy ‘n verhouding met die sokkerster David Beckham gehad het, ontken.

Die opera-sanger het Twitter gebruik om die vure dood te slaan, het Sky News berig.

“Liewe Twitter-vriende, ek het aaklige gerugte gelees en wil hê julle moet weet dat ek glad nie ‘n verhouding met David Beckham gehad het nie,” het Jenkins getweet.

“Die gerugte maak seer, is onwaar en my regspan sê ek kan stappe daaroor oorweeg.”

“Ek het David nog net twee keer ontmoet, een keer by die militêre toekennings in 2010 en op ‘n aand uit saam met vriende in Februarie vanjaar.”

“Ons was almal saam met vriende uit en dit was net ‘n normale aand.”

“Net om dit duidelik te maak, ek was nog nooit op my eie by hom nie en het nog nooit gereël dat ons mekaar alleen moet ontmoet nie,” het die sangeres gesê.

– Volg Nuus24 op Twitter