Jannie en Gurthrö albei voor die kansel
2012-02-05 08:57
Johannesburg – Twee Springbok-voorrymanne het Saterdag albei voor die kansel gestaan.
In Clarens in die Vrystaat het die Springbokstut Jannie du Plessis, self ’n dokter, ’n trouring aan die 30-jarige dr. Ronél Malherbe se vinger gesteek, terwyl Gurthrö Steenkamp in Pretoria ewige trou aan Jana Keet gesweer het.
Du Plessis en Malherbe, oorspronklik van Krugersdorp, het mekaar ontmoet toe hulle medies aan die Universiteit van die Vrystaat gestudeer het.
Sowat 600 gaste, onder wie spanmaats soos Victor Matfield, Juan Smith, Pierre Spies en Heinrich Brüssow, die Bokbreier Heyneke Meyer en die hele Haai-span en hul afrigter, John Plumtree, was glo by die troue.
Steenkamp is ’n boorling van Paarl en het aan die Universiteit van die Vrystaat gestudeer.
Keet kom van Empangeni in KwaZulu-Natal.
Volg Nuus24 op Twitter
- Rapport