James Cameron werk aan nuwe fliek

2012-10-24 17:50

Los Angeles – James Cameron se volgende fliek gaan ‘n grootskerm weergawe van die roman The Informationist wees.

Die Oscar-wenner regisseur en sy Lightstorm Entertainment-maatskappy het die regte vir die Taylor Stevens-roman gekry en Cameron beplan om self die fliek se regisseur en vervaardiger te wees.

Die boek fokus op Vanessa Michael Monroe wat in Afrika gebore is en grootword as ‘n huursoldaat.

Sy word dan ‘n persoon wat inligting hanteer vir ryk kliënte, maar haar nuutste werk verplig haar om ‘n vermisde meisie in haar tuisland te gaan soek.

“Taylor Stevens se Vanessa Michael Munroe is ‘n interessante en oortuigende heldin met ‘n ratse verstand en 'n lus vir avontuur. Wat my net so baie fasineer is haar emosionele lewe en haar onverwagste liefdesverhaal,” het Cameron vir The Hollywood Reporter gesê.

“Hierdie was ‘n geleentheid vir ons om ons verhouding met Fox en Jim Gianopulos verder as die Avatar-films te vat,” het Jon Landau, Cameron se mede-vervaardiger, gesê.

– Volg Nuus24 op Twitter