Jackson se gewese dokters verbied om te getuig

2011-08-30 13:40

Los Angeles – Ses van Michael Jackson se voormalige dokters is deur die hof verbied om te getuig in die verhoor van dr. Conrad Murray.

Murray se prokureurs het gehoop regter Michael Pastor sal die ses dokters se getuienis aanvaar om te help om te bewys dat Jackson lank voor hy behandeling by Murray ontvang het, reeds aan sterk pynstillers verslaaf.

Murray het onskuldig gepleit op ‘n aanklag van onopsetlike manslag in verband met die popster se dood.

Volgens Pastor voel hy nie die verdediging se bewerings is relevant tot die saak nie en sal misleiding en verwarring by die jurie veroorsaak.

Murray kan tot vier jaar tronkstraf gevonnis word indien hy skuldig bevind word.

Die verkiesing van die jurie sal op 8 September plaasvind, met openingsverklarings wat op 27 September gelewer sal word. 

– Contact Music.
 
– Volg Nuus24 op Twitter.