Jackson se dood – nuwe bewyse
2010-02-24 23:05
Kaapstad – ‘n Opname van die oomblik wat paramedici Michael Jackson se dood aangekondig het, is aanlyn opgespoor.
Die stem op die band – wat glo ‘n mediese beampte van die Los Angeles brandweerdepartement is wat die UCLA hospitaal in Santa Monica bel – kan selfs as ‘n bewysstuk ingedien word in die verhoor teen Jackson se dokter Conrad Murray, wat van onwillekeurige manslag aangekla word.
Die stem sê: “Pasiënt is Michael Jackson, die popster-sanger. Geen hartklop, geen asemhaling. Reageer nie. Het hom probeer bybring. Onsuksesvol. Ons het als gedoen wat ons kon. Ons sal oor vyf minute daar wees. Dit lyk nie goed nie. Dit lyk nie goed nie.”
Lees meer by tonight.co.za