Jackson laat vir eie begrafnis
2009-09-04 09:32
Los-Angeles – Die koning van pop, Michael Jackson was laat vir sy eie begrafnis.
‘n Glinsterende goue kis, versier met blomme en ‘n kroon, is sowat ‘n uur en ‘n half laat na die diens voor Jackson se familie en vriende geplaas.
Jackson is Donderdagaand uiteindelik ter ruste gelê nadat hy aan ‘n oordosis dwelms gesterf het.
Sowat 200 gaste het by die prentjiemooi begraafplaas in Los Angeles opgedaag om hom vaarwel te groet.
Jackson se broers het as kisdraers opgetree en elkeen het ‘n swart pak met ‘n wit handskoen gedra om hulle broer te herdenk.
Jackson se kinders Prince Michael (12), Paris (11), en die sewe jarige Prince Michael II, beter bekend as Blanket het saam ‘n goue kroon op die kis geplaas, asook briefies wat hulle vir hom geskryf het.
Die sangeres, Gladys Knight het die liedjie His Eye Is on the Sparrow, tydens die diens gesing.
Na die diens het sy broers die kis in die Forest Lawn se groot eregraf ingedra, gevolg deur gaste.
Van die gaste wat die diens bygewoon het was Elizabeth Taylor, Macaulay Culkin en Al Sharpton.
- Sapa-AFP