Jackson kon nié self propofol neem
2011-10-13 12:06
Los Angeles – Dr. Conrad Murray se regspan het die bewering dat Michael Jackson per ongeluk self 'n dodelike dosis van die middel propofol geneem het, laat vaar.
Murray, wat teregstaan op ‘n aanklag van onvrywillige manslag, het skuld ontken.
Sy regspan het aanvanklik beweer die ontslape Koning van Pop het self die dodelike dosis propofol geneem wat tot sy dood in Junie 2009 gelei het. Murray se regspan het egter nou aanvaar dit was nie moontlik nie.
Michael Flanagan, sy prokureur, het aan die regter en David Walgren, staatsaanklaer, verduidelik ‘n studie het bewys die middel het ‘n minimale uitwerking wanneer dit gedrink word.
“Ons het toe besluit om nie meer tydens die verhoor aan te voer dat Michael Jackson self propofol geneem het nie.”
Intussen het dr. Alon Steinberg, kardioloog en getuie vir die verdediging, Murray veroordeel omdat hy Jackson alleen gelaat het om badkamer toe te gaan.
“Wanneer jy ‘n pasiënt monitor laat jy hom nooit alleen nie, veral nie nadat jy propofol toegedien het nie."
– Contact Music.
– Volg Nuus24 op Twitter.