Jackson gewaarsku teen propofol, sê verdediging
2011-10-25 21:41
Los Angeles – Een van die eerste getuies wat deur dr. Conrad
Murray se verdediging na die getuiebank geroep is, het gesê dat hy vir Michael Jackson
van die risiko’s verbonde aan propofol gewaarsku het, berig SkyNews.
Dr. Allan Metzger het getuig dat hy al vir
vyftien jaar bewus was daarvan dat Jackson gesukkel het met slaaploosheid.
Metzger het getuig dat Jackson hom sowat
twee maande voor sy dood uitgevra het oor binneaarse medikasie om hom te help
slaap.
Die dokter het egter gewone slaappille voorgeskryf
alhoewel Jackson vir hom gesê het dat hy nie glo dié medikasie hom enigsins
gaan help nie.
Volgens Metzger het Jackson hom uitgevra oor verdowingsmiddels.
“Jy het aan hom verduidelik dat dit gevaarlik
was en nié vir gebruik buite ‘n hospitaal bedoel is nie?” het die aanklaer, David
Walgren, tydens kruisondervraging gevra.
“Dit is korrek,” het Metzger geantwoord.
Metzger het ook gesê dat hy nooit propofol aan Jackson sou voorskryf nie, nie vir enige bedrag geld wat die superster hom kon
aanbied nie.
Kliek hier vir die volledige storie.
Volg Nuus24 op Twitter.