Jackson-dokter verdrink in skuld
2009-07-31 12:36
Los Angeles – Dr. Conrad Muray het dringend geld nodig gehad toe hy Michael Jackson se persoonlike dokter geword het.
Die kardioloog se skuld het minstens $780 000 (sowat R5,8 miljoen) beloop.
Dié skuld sluit paaiemente op sy huis, kredietkaarte, studentelenings en onderhoudsgeld in.
Van dié skuld dateer terug na 1980.
Dít is behalwe die $68 000 (sowat R530 000) wat hy vir ‘n sakevenoot skuld vir maandelikse betalings wat hy nooit gedoen het nie.
Murray se huis is die afgelope week deursoek as deel van ‘n moordsaak na Jackson se dood.
Jackson se agent sou Murray $150 000 (sowat R1,1 miljoen) ‘n maand betaal om na Jackson om te sien tydens sy toer in Londen.
Hy het in Mei by Jackson aangesluit en is toe reeds deur die hof beveel om meer as $363 000 (sowat R2,8 miljoen) vir toerusting vir sy hartkliniek en $71 000 (sowat R552 000) vir studentelenings terug te betaal.
Volgens twee hofeise skuld hy $240 000 (sowat R1,8 miljoen) vir onbetaalde toerusting in Nevada.
Murray was ook onwillig om kleiner bedrae soos $3700 (sowat R28 000) onderhoudsgeld en $2600 (sowat R20 000) te betaal.
Sapa-AFP