Jackson-dokter se meisie getuig
2011-10-04 22:12
Los Angeles – Dr. Conrad Murray, wat van die onvrywillige manslag op
Michael Jackson aangekla word, se meisie
is gedaag om in die hof te getuig.
Sy is deur aanklaers gevra om die
besonderhede rondom die dokter se besige program, sowel as haar eie interaksie
met die superster, te beskryf.
Aanklaers probeer bewys dat Murray se
aandag tussen Michael Jackson en sy vele ander verpligtinge verdeeld was, veral
op die dag van die sanger se dood.
Nicole Alvarez het tydens die saak van manslag
teen haar kêrel gesê dat hy haar ‘n jaar voor Michael Jackson se dood vir haar
vertel het dat hy die superster se persoonlike dokter is.
Sy was duidelik opgewonde toe sy die hof
vertel van haar eerste ontmoeting met Michael Jackson.
“Ek kon nie ‘n woord uitkry nie,” het Alvarez
vertel.
“Ek kon nie glo ek ontmoet vir Michael Jackson
nie.”
Sy het vertel dat sy saam met Murray vir Michael Jackson op verskeie geleenthede ontmoet het, ook ná die geboorte van haar en Murray se kind.
Alvarez het getuig dat Murray dikwels laat
die aand na Jackson se woning gegaan het en tot die volgende dag daar gebly
het.
Sy was bewus daarvan dat Murray spesiale sorg
aan Jackson bied, spesifiek in die maande wat sy konsert in Londen voorafgegaan
het.
Getuienisse wat Maandag plaasgevind het, was
gefokus op telefoonoproepe op die dag van Michael Jackson se
dood.
Murray het Alvarez vier keer op dié dag gebel.
Een van die oproepe is gemaak in die ambulans
oppad hospitaal toe.
Volg Nuus24 op Twitter.
- Sapa - AFP