Jackson-dokter gereed vir verhoor
2010-02-08 09:45
Linda Deutsch
Los Angeles - Michael Jackson se dokter, Conrad Murray, kry moontlik vandag ‘n aanklag teen hom in verband met Jackson se dood.
Murray, wat vir Jackson verdowingsmiddels gegee het voor die sanger dood is, se prokureurs verwag dat hy ‘n aanklag van onvrywillige manslag teen hom sal kry.
Sedert Jackson verlede jaar op 25 Junie op die ouderdom van 50 oorlede is, is Murray die fokuspunt in die ondersoek van sy dood.
Murray, wat die laaste persoon was wat Jackson lewendig gesien het, het erken dat hy die verdowingsmiddel propofol en ander kalmeermiddels aan Jackson voorgeskryf het vir sy chroniese slapeloosheid.
Die dokter volhou dat niks wat hy vir Jackson voorgeskryf het, hom kon dood maak nie.
‘n Verhoor word verwag wat mediese getuienis behels oor die gebruik van propfol en of daar nalatigheid betrokke was aangesien dit in ‘n private huis gebruik is. Dit word in normale omstandighede in hospitale gebruik.
Volgens Murray se hoof-prokureur, Ed Chernoff, is die dokter gereed vir die verhoor.
“Ons sal borgtog kry, ons gaan onskuldig pleit en ons sal soos die hel veg,” het Chernoff gesê.
- Sapa-AP