Jackson bes betaalde ontslape bekende
2011-10-26 13:16
Los Angeles – Michael Jackson is deur die tydskrif Forbes aangewys as die bes betaalde ontslape bekende, het Cover Media op hul webwerf berig.
Die Koning van Pop, wat twee jaar gelede gesterf het, se legende het voortgeleef en hy het meer geld verdien sedert hy oorlede is.
Forbes het hul lys van die jaar se bes betaalde ontslape bekendes bekend gemaak en het Jackson in die eerste posisie geplaas met ‘n inkomste van $170 miljoen (sowat R1,3 miljard).
Elvis Presley is in die tweede plek met $55 miljoen (R439 miljoen) en Marilyn Monroe in die derde plek met $27 miljoen (sowat R215 miljoen).
Hier is die volledige lys wat saamgestel is vanaf Oktober 2010 tot Oktober 2011:
1. Michael Jackson: $170 miljoen (sowat R1,3 miljard) – oorlede op 25 June 2009 in die ouderdom van 50.
2. Elvis Presley: $55 miljoen (R439 miljoen) – oorlede op 16 Augustus 1977 in die ouderdom van 42.
3. Marilyn Monroe: $27 miljoen (sowat R215 miljoen) – oorlede op 5 Augustus 1962 in die ouderdom van 36.
4. Charles Schulz: $25 miljoen (sowat R200 miljoen) – oorlede op 12 Februarie 2000 in die ouderdom van 77.
5. John Lennon: $12 miljoen (sowat R96 miljoen) – oorlede op 8 Desember 1980 in die ouderdom van 40.
6. Elizabeth Taylor: $12 miljoen (sowat R96 miljoen) – oorlede op 23 Maart 2011 in die ouderdom van 79.
7. Albert Einstein: $10 miljoen (sowat R80 miljoen) – oorlede op 18 April 1955 in die ouderdom van 76.
8. Theodor 'Dr. Seuss' Geisel: $9 miljoen (sowat R72 miljoen) – oorlede op 24 September 1991 in die ouderdom van 87.
9. Jimi Hendrix: $7 miljoen (R56 miljoen) – oorlede op 18 September 1970 in die ouderdom van 27.
10. Steig Larsson: $7 miljoen (sowat R56 miljoen) – oorlede op 9 November 2004 in die ouderdom van 50.
– Volg Nuus24 op Twitter.