Is Kim se baba in gevaar?

2013-02-07 17:08

Los Angeles – Kim Kardashian is gewaarsku dat haar egskeiding ‘n risiko inhou vir haar ongebore baba.

Die swanger Keeping Up With The Kardashians-ster, wat haar eersteling saam met die rapper Kanye West verwag, is glo erg ontsteld na sy gewaarsku is dat die stres wat sy ervaar as gevolg van haar egskeiding van Kris Humphries, dalk ‘n langtermyn effek op die baba kan hê.

‘n Bron het aan TMZ gesê die 32-jarige Kim is die afgelope paar dae vir erge maagpyne behandel. Die dokter het glo in die middel van die nag na haar huis gehaas om haar te ondersoek en het gewaarsku dat sy haar stresvlakke sal moet verlaag.

Vriende dring daarop aan dat die enigste beduidende stress wat Kim tans ervaar, haar uitgerekte egskeiding van Humphries is.

Kim se ma en bestuurder, Kris Jenner, het ook bevestig dat Kim aangeraai is om te ontspan.

“Kim sukkel nou al maande met die egskeiding. Sy is onder baie stres en die dokters het vir haar gesê dat die stres ‘n probleem kan raak as sy nie versigtig is nie,” het Jenner op The View gesê.

– Volg Nuus24 op Twitter