Idols-ster se vonnis versag
2011-03-04 12:36
Kaapstad - Andriëtte Norman, naaswenner van die Suid-Afrikaanse Idols-kompetisie in 2007, en haar vriend, Marcel Olivier, se vonnis is verlede week deur die Hoërhof verminder.
Dít kom nadat Norman (24) en Olivier (26) aan die begin van die jaar elk 'n boete van R10 000 of vier jaar tronkstraf opgelê is, na hulle skuldig gepleit het op 'n klag dat hulle versuim het om by immigrasiebeamptes aan te meld toe hulle die land binnegekom het.
Landdros Elina Nandago het N$5 000 (R5000) of twaalf maande van die vonnis opgeskort, op voorwaarde dat Norman en Olivier hulle nie weer aan dieselfde oortreding skuldig maak nie. Beide het onmiddellik die boete betaal en het die land dieselfde dag verlaat.
Die beheerlanddros van Katutura het die saak vir spesiale hersiening na die Hoërhof verwys na sy besef het dat landdros Nandago vir Norman en Olivier die maksimum vonnis wat opgelê kan word, oorskry het.
Norman en Olivier het erken dat hulle Namibië met 'n voertuig binnegekom het. Presies hoe hulle dit reggekry het sonder om opgelet te word, is egter nie duidelik uit die rekord nie.
- Vir die volledige storie besoek Republikein.
- Volg Nuus24 op Twitter.