Idol-wenner Carrie Underwood gee raad
2009-11-17 14:59
Los Angeles - Carrie Underwood, die American Idol-wenner wat sedertdien een van die reeks se top-verkopers geword het, gee raad aan nuwe deelnemers.
Haar raad aan die jongste lot Idol-deelnemers is dat hulle getrou moet bly aan hulle bewonderaars en nie van styl moet verander nadat hulle gewen het nie.
Carrie het pas haar tweede opeenvolgende treffer, Play On, uitgebring.
“Dit voel vir my dat deelnemers wat goed gedoen het op American Idol, getrou moet bly aan waarvoor hul bewonderaars gestem het,” sê Carrie.
“Ek het al ‘n paar keer gesien hoe deelnemers ‘n sekere styl navolg tydens die program, en dan daarna heeltemal van rigting verander.”
Sy sê dis vir haar vreemd, aangesien die stemmery op American Idoll ‘n aanduiding is van “wat mense wil hê”.
- Reuters
