Idol gaan voort - met of sonder Cowell
2009-12-25 13:39
Hollywood, Los Angeles - Die televisienetwerk Fox het aangekondig hulle gaan nog seisoene van American Idol bestel - met of sonder dié reeks se bekendste en mees berugte beoordeelaar, Simon Cowell.
Die Idol-franchise is geruk deur die bespiegelings dat Cowell na die volgende seisoen sy tasse gaan pak soos hy gereed maak om sy Briste treffer-reeks X-Factor na die VSA te bring.
Cowell se broer Tony het Dinsdag op sy weeklikse podcast gesê Cowell gaan Idol verlaat aan die einde van 2010.
Dié skuif kan 'n dubbele effek op Fox hê - die verlies van een van Idol se bekendste gesigte, sowel as 'n hele nuwe realiteistprogram op Fox wat kykers van Idol kan steel.
Maar voordat enige kontrakte onderteken kan word, moet Cowell eers sy nuwe kontrak met Sony uitsorteer. Sony besit die regte tot X-Factor.
Die nuus op Tony Cowell se podcast is die jongste in 'n reeks bespiegelings en berigte oor Simon se planne.
Onlangs het Cowell en sy vennoot Philip Green groot opspraak verwek toe hulle die tydskrif GQ vertel het van hulle plan om X-Factor as 'n direkte uitsending vanuit Las Vegas wil maak, wat dan ook per betaling regstreeks oor die internet uitgesaai sal word.
- Reuters