Identity Thief weer eerste by loket

2013-02-25 09:43

Los Angeles – Die komedie Identity Thief het die naweek skoonskip gemaak by die Amerikaanse loket en $14 miljoen (sowat R124 miljoen) verdien, na dit verlede week in die tweede plek was.

Die fliek, met die akteurs Jason Bateman en Melissa McCarthy, was twee weke gelede ook nommer een tydens die rolprent se openingsnaweek.

Die drama Snitch, met Dwayne Johnson in die hoofrol, was tweede met $13 miljoen (sowat R115 miljoen).

Identity Thief het al altesaam $93 miljoen (sowat R827 miljoen) by die Amerikaanse loket verdien.

Verlede week se nommereen-fliek, Bruce Willis se A Good Day to Die Hard, het teruggeval tot die vyfde plek en het $10 miljoen (sowat R89 miljoen) verdien.

Identity Thief sal op die 22ste Maart in Suid-Afrika begin draai.

– Volg Nuus24 op Twitter
 

- Reuters