Húlle het Katie Holmes agtervolg

2012-07-06 08:45

New York – Dit het uiteindelik aan die lig gekom wie die sekuriteitswagte is wat die aktrise Katie Holmes agtervolg, berig Daily Mail.

Vroeër is berig dat die aktrise kort ná haar aankondiging dat sy van die akteur Tom Cruise gaan skei, deur 'n aantal "swaar gewapende mans", wat glo deur die Sciëntologie-organisasie aangestel is, agtervolg word.

Dit het nou aan die lig gekom dat dit wagte is van die nuwe sekuriteitspan wat Holmes aangestel het. Sy is nie in kennis gestel dat hulle buite haar woonstel in New York sou staan nie. Die ou sekuriteitspan is ook nie ingelig dat hulle vervang is nie.

Holmes het verlede week bekendgemaak dat sy Cruise om 'n egskeiding gedagvaar het. Die paartjie het 'n sesjarige dogter, Suri, saam.

Die 50-jarige Cruise praat volgens die berig "'n paar keer 'n dag" met Suri, maar hy en Holmes praat glad nie meer met mekaar nie.

Die paartjie is in 2006 getroud.

– Lees meer hier

– Volg Nuus24 op Twitter