Hulk Hogan het glo eie seksvideo uitgelek

2012-10-17 11:19

Los Angeles – Todd Clem, beter bekend as Bubba the Love Sponge, het geïmpliseer dat Hulk Hogan sy eie seksvideo uitgelek het.

Die radio-aanbieder het teen sy voormalige beste vriend te velde getrek, en beweer dat Hogan self die seksvideo kon uitlek om publisiteit te kry.

Hogan slaap glo met Bubba se vervreemde vrou, Heather Clem, in die video, wat vroeg in Oktober uitgelek het.

Bubba het op sy radioprogram gespog dat hy die video kan verkoop, het TMZ berig.

Hogan dagvaar Todd en Heather vir $100 miljoen (sowat R860 miljoen) en beweer hulle het die video sonder sy toestemming gemaak.

“Niemand het ‘n geweer teen jou kop gehou nie,” het Bubba aan Hogan op sy radioprogram gesê.
 
– Volg Nuus24 op Twitter