'Huilende' Kim Kardashian na hospitaal gehaas

2013-03-07 17:57

Los Angeles – Die realiteitstelevisiester Kim Kardashian is glo Dinsdagaand in trane na 'n hospitaal in Los Angeles gehaas.

Die Keeping Up With the Kardashians-ster, wat swanger is met haar en kletsrymer Kanye West se eerste kind, het glo siek geraak op ‘n vlug vanaf Parys na Los Angeles en is met haar aankoms dadelik na ‘n hospitaal geneem te midde van kommer oor haar ongebore baba.

Bronne sê toe Kardashian Dinsdag in Los Angeles aankom, was sy in trane.

Dokters het haar ondersoek en gewaarsku om dinge rustiger te vat omdat hulle bekommerd is dat sy te hard werk en oefen.

“Kim respekteer nie haar swangerskap nie. Sy hardloop rond en oefen sewe dae van die week. Sy werk met twee verskillende afrigters sodat sy haar gewig tydens die swangerskap kan beheer,” het ‘n bron aan die New York Post gesê.

– Volg Nuus24 op Twitter