Hugh Jackman gereed vir James Bond-rol

2012-12-10 17:50

Los Angeles – Die akteur Hugh Jackman het gesê hy is nou gereed om 'n pak te dra en aan 'n martini te teug om die rol van James Bond te vertolk.

Die 44-jarige Jackman het gesê hy was te besig met die X-Men-reeks in 2006 toe hy genader is om 007 te speel.

Daniel Craig het toe die rol losgeslaan en was sedertdien in drie Bond-films te sien.

"Dit was nie destyds reg vir my nie, maar toe ek Daniel in die film sien het ek gedink dalk moes ek meer belanggestel het. Dit was wonderlik," het Jackman aan The Sun gesê.

"Die goeie ding is dat ek ook 'n Britse paspoort het," het hy geskerts.

– Lees meer hier

– Volg Nuus24 op Twitter