Hugh Jackman beseer op Oprah se program

2010-12-14 13:43

Sydney – Die Australiese akteur Hugh Jackman is Dinsdag beseer terwyl hy op die Oprah Winfrey-program by die Sydney Opera House was, het Eyewitness News berig.

Die uitsending was regstreeks en kykers het gesien hoe Jackman by ‘n kabel afgly van die bokant van die Sydney Opera House tot by ‘n groot buitemuurse verhoog.

Jackman kon sy spoed nie vinnig genoeg afbring nie en het in die verhoog se opgestelde ligte vasgegly en sy gesig beseer.

“Dit was soveel pret, tot op die einde,” het Jackman, wat bekend is vir sy rol as Wolverine, gegrap.

Hy het later, met ‘n pleister onder sy oog, vir Winfrey gesê dat die opwinding veroorsaak het dat hy te laat begin rem het.

Lees meer hier

Volg Nuus24 op Twitter